Mikel Arteta ayaa si cadho leh ugu weeraray ciyaartoydiisa Arsenal kadib markii ay bar-baro 1/1 ah la galeen chelsea Axadii.

Arsenal ayaa goolka uga mahad-celinaysa Gabriel Martinelli kaas oo furay goolasha kulanka kooxdiisa.

Bar-baraha ayaa kooxda Arteta ka dhigaya in ay sagaal dhibcood ka dambeeyaan hogaamiyayaasha Liverpool ee tartanka horyaalka premier League.

Arteta ayaana doortay in uuna difaacin xiddigaha kooxdiisa kadib markii ay u ogolaadeen in uu Neto dhaliyay goolka.

tababaraha ayaa sheegay in kooxdiisu ayna u difaacan sidii laga filayay laakiin wali waxa uu aaminsanyahay in uu xilli ciyaareedkan noqon doono mid guul ku dhamaada.

“Waxa aan siinay goolka iyaga, waxa aan ahayn kooxda ka fiican dhinac kasta, aad ayaan uga niyad jabsanahay qaabka ay nooga dhaliyeen goolka, ma ahayn qaabkii difaac ee nalooga bartay, ma ahan wax la aqbali karo”.