Tababaraha Kooxda Arsenal ee Mikel Arteta ayaa u sheegay kooxda Liverpool in ay adagtahay in la ilaaliyo 8-da dhibcood ee ay ku hogaaminayso horyaalka premier League inta ka dhiman xilli ciyaareedka.
Kooxda Arne Slot ayaa si cajiib ah ku bilaabatay xilli ciyaareedka iyaga oo badiyay 10 ka mid ah 12-kii kulan ee uu ciyaaray ilaa haatan xilli ciyaareedkan.
Liverpool ayaa 8 dhibcood ku hogaaminaysa premier League iyaga oo ka horeeya kooxda Man City halka ay 9 dhibcood ka horeeyaan kooxda Arsenal.
Reds ayaa sii dheeraysan karta hogaanka hadii ay ka badiso kooxda Man City Axada.
Laakiin Arteta ayaa u sheegay Liverpool in ay ku adkaan doonto in ay sii xejistaan dhibcaha ay ku hogaaminayaan premier League.
Mar wax laga waydiiyay awooda Arsenal ay u leedahay in soo yarayso dhibcaha ay ka dambayso Liverpool ayuu yidhi Arteta”Haa, horay ayaan sidaas u samaynay”.
“In aad xejisato dhibcaha aad ku hogaaminayso horyaalka muddo 10 bilood ah way adagtahay”ayuu sii raaciyay.
