Ku soo laabashada Mohamed Salah ee Liverpool wakhti hore fasaxii xulalka ayaa soo jeedinaya in uu qarka u saaran yahay in uu heshiis cusub u saxiixo Reds sida laga soo xigtay khabiirka Reds David Lynch.

32-jirkan – oo weli lagu wado inuu xiddig xor ah dhamaadka xilli ciyaareedkan ayaa ciyaaray kaliya hal kulan labadii kulan ee xulkiisa ka hor inta aan laga fasixin waajibaadka xulka qarankiisa si uu ugu laabto Liverpool.

Masar ayaa u ogolaatay Salah inuu ku laabto Liverpool xilli hore sababtoo ah walaac laga qabo dhaawac ka soo gaaray garoonka macmalka ah, sidaas darteed xiddiga garabka ka ciyaara ayaa la filayaa inuu ku jiro xaalad heer sare ah kulanka adag ee Axada ay la leeyihiin Chelsea ee Premier League.

Salah ayaan wali heshiis cusub u saxiixin Liverpool waxana laga yaabaa in ay lacag la’aan ku waayaan xiddiga xagaaga dambe  laakiin Lynch – oo la hadlayay Sports Mole – ayaa aaminsan in ciyaaryahankii hore ee Chelsea iyo Roma uu fursad fiican u heysto inuu heshiis cusub qalinka ugu duugo kadib markii laga soo fasaxay xulka qarankiisa.