Mohamed Salah ayaa haatan si toos ah kaga jira liiska ciyaartoyda abid ugu goolasha badan Premier League kadib goolkii guusha ee uu Liverpool ka dhaliyay kooxda Brighton & Hove Albion.
Xiddiga reer Masar ayaa daqiiqadii 72-aad ee ciyaarta gool u dhaliyay kooxda Liverpool iyaga oo ku ciyaarayay garoonka Anfield iyada oo Reds ay dib ugu soo laabatay hogaanka horyaalka iyaga oo uga mahad celinaya guuldaradii lama filaanka ahayd ee ay Man City kala kulantay Bournemouth.
Waa goolkiisii 164-aad ee Premier League 273 kulan oo uu saftay tartanka.
Marka laga reebo laba ka mid ah goolashaas ayuu u dhaliyay Liverpool isaga oo 2 gool ka dhaliyay kooxda chelsea.
Kahor inta uusan shabaqa soo taaban kulankii Brighton Salah ayaa la goolal ahaa Halyeeyga kooxda Liverpool ee Robbie Fowler kaas oo leh 163 gool.
Laakiin goolkii 164-aad ee uu dhaliyay waxa uu ka dhigay xiddiga 8-aad ee gooldhalinta.
