Mohamed Salah ayaa faah faahin ka bixiyay wada hadal uu la yeeshay tababarihii hore ee kooxda Arsenal ee Arsene Wenger kaas oo uu tababaraha reer France u soo jeediyay talo aad u fiican weeraryahanka Liverpool.

Kubadsameeyaha tayada leh ee Masar ayaa noqday mid ka mid ah shaqsiyaadka ugu saamaynta badan premier League intii uu joogay kooxda isagoo dhaliyay in ka badan 200 gool 366 kulan oo uu u saftay Reds.

Xirfadiisa garoonka dhexdiisa ayaa ka dhigtay inuu yahay mid ka mid ah garabka ugu fiican kubada cagta adduunka.

Iyadoo Salah uu ka soo hoos shaqeeyay qaar ka mid ah macalimiin halyeeyo ah sida Jurgen Klopp – oo ka tagay kooxda Merseyside horaantii sanadkan laakiin waxa xiddiga saamayn ku yeeshay hadal uu ka helay tababare kale.

“Hore ayaan talo uga helay Arsene Wenger”ayuu yidhi.

“Waxa uu joogay Melwood (xarunta tababarka Liverpool) wakhtigaas, ka dib waxa aan waydiiyay waxa u dhexeeya ciyaaryahan fiican iyo ciyaaryahan aad u fiican”.

“Waxa uu yidhi, “Waxa aan u malaynayaa in xiddiga aadka u fiican uu had iyo jeer diirada saaro ciyaarta, xitaa hadii aanu awood u lahayn, waxa uu ku sii jirayaa ciyaarta ilaa daqiiqada ugu dambaysa”.

“Marka taasi waa, waxaan u maleynayaa aniga ahaan, waan ogahay inay jiraan ciyaaraha qaarkood oo aanan haysanin dardar, ma haysto ciyaarta”.