Xiddiga kooxda Liverpool ee Mohamed Salah ayaa ku guulaystay xiddigii ugu fiicnaa Liverpool bishii October kadib markii ay taageerayaashu u codeeyeen.

Mohamed Salah ayaa ku guulaystay abaalmarinta markii labaad xilli ciyaareedkan, ka dib markii uu helay codadka ugu badan ee boqolkiiba ra’yi ururin dhawaan lagu sameeyay bogga rasmiga ah ee Liverpool FC.

Ibrahima Konate ayaa galay kaalinta labaad, halka Ryan Ryan Gravenberch uu galay kaalinta 3-aad ee abaalmarinta.

Salah ayaa yiri, mar uu maanta ku guddoomay abaal-marinta xarunta tababarka ee AXA: “Waa dareen aad u wanaagsan marka ay kooxdu guul gaarto, tani waa waxa ugu muhiimsan kooxdu in ay guul gaadho”.

Mohamed Salah ayaa dhaliyay 3 gool halka uu 6 kale caawiye ka noqday Liverpool bishii October.