Ciyaaryahanka kooxda Athletic Club iyo xulka Spain Nico Williams ayaa si joogta ah u ahaa bogag hore ee wargeysyada Isboortiga ee Spain xagaagan, mana ahan oo kaliya Wacdarihii ​​Euro 2024.

Barcelona ayaa si aan ganbasho lahayn uga dhigtay bartilmaameedkeeda ugu sarreeya ee suuqa kala iibsiga, halka Paris Saint-Germain ay sidoo kale isku dayayso inay ka soo qaadato Bilbao.

Diario AS ayaa sheegaysa in 22-sano jirkaan uu mar hore go’aan ka gaaray mustaqbalkiisa, laakiin uusan weli u muujin kuwa ka baxsan saaxiibkiisa, oo ay u badan tahay wakiilkiisa iyo qoyskiisa.

Todobaadka soo socda ayaa lagu wadaa inuu shaaca ka qaado go’aankaas kooxaha ku lugta leh.

PSG ayaa usbuucan kala xiriirtay wakiilkiisa si uu u dhaqaaqo, halka Barcelona ay wadahadalo kula jirtay Felix Tainta dhowr toddobaad, inkastoo Williams uusan weli aqbalin dalabkooda. Haddii uu ku sii sugnaado Athletic, waxa uu sidoo kale qarka u saaran yahay inuu helo mushahar kordhin si uu u sii joogo kooxda marka ay ku soo laabtaan ciyaaraha Yurub.