Tababarihii hore ee Manchester United Ole Gunnar Solskjaer ayaa shaaca ka qaaday in go’aankii ay Cristiano Ronaldo kaga soo qaateen Juventus 2021 uu ahaa qalad – isagoo qirtay in ay kaliya ula soo saxiixdeen si ay uga hor istaagaan in uu ku biio Man City.
Red Devils ayaa dib usoo laabasho cajiib ah u heshay weeraryahanka reer Portugal, kaasoo markii hore Real Madrid ugu biiray heshiis 80 milyan sanadkii 2009 iyaga oo ku garaacay saxiixiisa kooxda Pep Guardiola.
Halyeeyga ayaa ku riyaaqay xilli ciyaareedkiisii ugu horeeyay ee Premier League xilli ciyaareedkiisii ugu horeeyay isaga oo dhaliyay 24 gool 18 kulan oo uu ciyaaray tartamada oo dhan.
Solskjaer, oo ka hadlayay Madasha Ganacsiga ee Oslo, ayaa qirtay inay jirtay cabsi laga qabay in Ronaldo uu ‘dhalin lahaa goolal ka badan Erling Haaland’ haddii uu aadi lahaa Etihad.
Solskjaer ayaa yiri: “Cristiano Ronaldo, mid ka mid ah ciyaartoyda ugu fiican adduunka 15-kii sano ee la soo dhaafay. Waan la ciyaaray. Waxa uu u soo ciyaaray Manchester United. Taariikh ayuu la leeyahay kooxda, markii aan ogaanay in uu ka tagayo Juventus waxa aan diidnay in aan u ogolaano in uu ku biiro Man City sababta oo ah waxa uu dhalin lahaa goolal ka badan kuwa uu haatan Haaland dhalinayo”.
