Ole Gunnar Solskjaer ayaa sheegay in uu diyaar u yahay in uu ku laabto Man United hadii mar kale lagu casuumo.
Isagoo ka hadlayay Madasha Ganacsiga ee Oslo, weeraryahankii hore ee Man United ayaa la weydiiyay hadii uu aqbali doono inuu ku laabto Man United isagoo tababare ah.
Wuxuu ku jawaabay: “Ma jecli inaan ka hadlo shaqooyinka tababarayaasha kale, laakiin haa. Dabcan, waan sameyn doonaa!”
Solskjaer waxa uu ahaa tababaraha Man United ku dhawaad saddex sano intii u dhaxaysay 2018 iyo 2021.
Hadalka Solskjaer ayaa imanaya xilli uu cadaadis saaran yahay tababaraha Haatan Man United ee Erik Ten Hag.
