Halyeeyga Kooxda Arsenal ee Paul Merson ayaa ka hadlay guuldaradii kooxdiisii hore ka gaadhay kooxda Newcastle United.
Arsenal ayaa guuldaro 1/0 ah kala kulantay kooxda Newcastle kulan ka tirsanaa todobaadkii 10-aad ee horyaalka.
Kadib guuldarada Paul Merson ayaa sheegay in ay Arsenal si weyn u tabtay kabtankooda Martin Odegaard kulankii Newcastle.
“Odegaard waa ciyaaryahanka ugu muhiimsan Arsenal”ayuu Merson yidhi.
“Mid ka mid ah waxyaabaha ugu adag ee la sameeyo ayaa ah inaad kubbadda geliso shabagga kooxda kaa soo hor jeeda, mar walba Odegaard waxa uu bixiyaa baas dilaa ah”.
“Dadka oo dhan waxa ay ka hadlayaan daafaca Arsenal laakiin Odegaard ayaa ah xiddiga ay si weyn u tabayaan”.
