Paul Merson oo ku Dhawaaqay Afarta Xul ee kasoo baxaya Wareega 8aad, Xulal Waaweyn oo uu Qalbi jab ku riday

Khabiirka ciyaaraha ee Paul Merson ayaa saadaaliyey wareegga 16ka Koobka Adduunka, waxaana uu meesha ka saaray afar dal oo waweyn oo uu sheegay in aanay u gudbi doonin wareegga xiga.

Xulka qaranka Faransiiska ee Koobka difaacanaya ayaa uu Paul Merson meel uga waayey wareegga labaad, waxaana uu ku dooday in guul-darro uu la socda xasuuq ay kala kulmi doonaan England oo si xun u jiid-jiidi doonta Sabtida.

Paul Merson waxa uu intaa ku daray, in xulka qarankiisa England ay durduro ku tegi doonaan semi-finalka markii labaad oo xidhiidh ah, mar haddii ay garaacaan Faransiiskana ay u fududaan doonto inay usii socdaan finalka oo ay waliba koobka ku guuleystaan.

Wareegga siddeedda oo dalalka awoodda badan ee usoo gudbay ay ka mid yihiin England vs France, waxa uu meesha ka saaray France, natiijada ay ku kala badinayaanna hoosta ayaa uu ku faahfaahiyey, halka Brazil & Portugal ay la kala ciyaarayaan Croatia iyo Morocco, sidoo kalena Argentina uu sugayo dagaal adag oo ah inay iska dhiciyaan Netherlands.

Kaddib markii uu Ingiriiska u diray semi-finalka, waxa kale oo uu Paul Merson guul siiyey Brazil oo uu sheegay in caawa ay karbaashi doonto Croatia, balse Argentina ayaa iyaduna guul-drraysan doonta, waxaana rikoodheyaal ku garaaci doonta Netherlands kulan la iska dhalinayo afar gool.

Khabiirka ciyaaraha ee Paul Merson waxa kale oo uu saadaaliyey, in Portugal guul aanay ku dhibaatoonin ay ka gaadhi doonto Morocco oo ay abuuri doonto semi-final adag oo England vs Portugal ah.

Saadaasha Paul Merson ee wareegga siddeedda

Croatia 0-2 Brazil

Netherlands 2-2 Argentina – Netherlands ayaa rikoodheyaal ku badinaysa

Portugal 2-0 Morocco

England 3-1 France

Wararka Ciyaaraha

Be the first to comment

Leave a Reply

Your email address will not be published.


*