Halyeeyga kooxda Arsenal ee Paul Merson ayaa saadaaliyay toddobaadka ugu dambeeya ee horyaalka Premier League xilli ciyaareedkan 2022-23.
Manchester City ayaa ku guuleysatay Premier League halka ay boosaska afarta sarre la dhammaystireen Arsenal, Manchester United iyo Newcastle United.
Dagaalka ugu weyn toddobaadkan ayaa dhex maraya kooxaha Everton, Leicester City iyo Leeds United oo booska 17-aad ee lagu badbaado ku tartamaya.
Merson ayaa saadaaliyay in Everton guul ka gaadhi doonto Bournemouth sidaasna ku xaqiiqsan doonto baaqi kusii ahaanshaha horyaalka iyadoo ay dhaadhici doonaan Leicester City iyo Leeds United.
Paul ayaa inay guuldarro xilli ciyaareedka kusoo xidhato u saadaaliyay Man United oo Fulham ku qaabili doonta Old Trafford.
Merson ayaa saadaaliyay sidoo kale in Chelsea ay barbardhac kulanka ugu dambeeya horyaalka barbardhac kula heshiin doonto Newcastle United oo soo martiyaysa.
Merson ayaa kooxdiisii hore ee Arsenal u rajeeyay inay xilli ciyaareedka kusoo xidhato guul weyn oo ay Wolves ka gaadho.
Sidoo kale Paul waxa uu guul weyn siiyay Liverpool oo booqanaysa kooxda heerka labaad u dhacday ee Southampton.
Ugu dambayn, Merson ayaa barbardhacii labaad oo xidhiidh ah u rajeeyay kooxda horyaalka hanatay ee Manchester City oo booqanaysa kooxda dhibta badan ee Brentford.
Saadaasha Oo Dhammaystiran
Aston Villa 2-0 Brighton
Everton 2-0 Bournemouth
Leeds 2-2 Tottenham
Man United 1-2 Fulham
Chelsea 2-2 Newcastle United
Leicester 3-1 West Ham
Arsenal 3-0 Wolves
Southampton 0-4 Liverpool
Crystal Palace 3-1 Nottingham
Brentford 2-2 Man City
