Xiddiga qadka dhexe ee kooxda Manchester United Paul Pogba ayaa shaaca ka qaaday inuu la fariisan doono kooxda dhamaadka xilli ciyaareedka si uu ugala hadlo xaalada qandaraaskiisa.
Ninka reer France ayaa galay 18-kii bilood ee ugu dambeysay heshiiskiisa haatan waxaana la filayay in la iibiyo xagaaga soo socda ka dib markii wakiilkiisa Mino Raiola uu si cad u sheegay in Pogba uu doonayay inuu ka tago Old Trafford maxaa yeelay ‘kuma faraxsana’.
Si kastaba ha noqotee faallooyinkaas ayaa yimid ka hor inta uusan Pogba dib u helin qaab ciyaareedkiisii ugu fiicnaa isla markaana uu United ku hogaamiyay hogaanka horyaalka Premier League Si lama filaan ah bixitaanku uma muuqdo sidii wax la hubo oo kale sidii ay ahayd bil ka hor,
Pogba wuxuu qirtay inuu diyaar u yahay inuu kooxda kala hadlo mustaqbalkiisa Pogba ayaa u sheegay BT Sport guuldaradii 2-1 ee ka soo gaartay United Sheffield United. Qof walba wuu ogyahay inaan hal sano ka haray qandaraaskeyga waxaan doonayaa inaan la hadlo kooxda oo aan arko waxa socda Hada hadafkeygu waa inaan wax uun ku guuleysto Taasi waa waxa kaliya ee aan ka fekerayo waa inaan guuleysto.
Pogba ayaa dhawaan ku adkeystay inuu sii wadi doono ku faraxsanaanta Old Trafford ilaa iyo inta kooxdiisu ay sii wadato guuleysiga isagoo qirtay inuu ku dhibtooday inuu la qabsado marka United ay ka soo baxdo kooxda guuldarada sida ay sameeyeen Arbacadii.
Mustaqbalkiisu waa mid adag oo waxaa wada doonaya kooxaha Real Madrid iyo Juventus oo inta badan loo magacaabay inay yihiin kuwa wax iibsada, in kasta oo labada dhinac midkoodna uusan ku dhowayn lacagta loo baahan yahay si ay u helaan xidiga qadka dhexe ee wadanka France.
