Paul Scholes ayaa si xun u weeraray mid ka mid ah saxiixyadii xagaaga ee Manchester United ka dib guuldaradii 3-0 ee Tottenham ee Old Trafford.
Man United ayaa lagu dhex garaacay Old Trafford kulan ka tirsanaa horyaalka premier League iyaga oo lagu garaacay 3/0.
Kadib guuldarada soo gaadhay Man United ayaa kaliya 7 dhibcood ka heshay 6-dii kulan ee ugu horeeyay ee premier League.
Scholes ayaa aaminsan in Matthijs de Ligt, kaasoo 43 milyan kaga soo biiray Bayern Munich, uusan wax isbedel ah ku sameynin daafaca United.
“Markaad keensato ciyaartoy, waxaad filaysaa inay aad uga fiican yihiin kuwii aad hore u heshay. Ma arko ciyaartoyada yimid in ay ka fiicanyihiin kuwii hore wax farqi ahna samaynayaan”ayuu yidhi xiddigii hore ee Man United.
“De Ligt waxa uu u yimid badalka Maguire laakiin ma arko wax is badal ah oo u dhexeeya labada xiddig”ayuu yidhi.
Markii la weydiiyay haddii uu xiddiga reer Netherlands ka fiicanyahay Maguire ayuu Scholes yidhi”Maya, Maya”
