Pep Guardiola ayaa eedda dusha ka saaray hal qof kaddib markii Manchester City ay si xun ugu guuldarreysatay Manchester United usbuucan.

Kooxda difaacaneysa horyaalka  Premier League ayaa markale guuldarro la kulantay Axaddii, markan waxaa garaacday kooxda ay xafiiltamaan ee Manchester United.

Laakiin Guardiola, oo ka hadlay guuldarradan ciyaarta kaddib, ayaa diiday inuu eedda saaro ciyaartooydiisa, isagoo qirtay inuu isagu mas’uul ka yahay guuldarradii ugu dambeysay ee City. Wuxuu yiri:

“Wax badan kama sheegi karo. Difaac wanaagsan ma aanan lahayn, waxay ahaayeen kuwo si weyn u daallan. Ma aanan lumin sideed ciyaar labo xilli ciyaareed gudahood ah. Taas lama difaaci karo. Ma ahan khaladka ciyaaryahan gaar ah ama arrin gaar ah.

“Annaga ayaa goolasha dhiibannay, waa khaladkeenna. Kuma aanan ciyaarin xasillooni. Natiijooyinku ma fiicna, ciyaarta sidoo kale ma ahayn mid gaar ah. Waan fahamsanahay xaaladda, balse waa xaqiiqada.

“Waxey tahay inay ogaadaan in xaaladahaas ay dhacaan.xerada ganaaxa dhexdeeda waa inaad taxaddartaa. Ma ahan Matheus [Nunes], wuxuu u ciyaaray si fiican inkastoo uusan booskiisa saxda ah ka ciyaarayn oo uu ahaa difaac dambeed. Laakiin ma ahan arrintaas, waa inaan si ka wanaagsan u ciyaarno. Natiijada ayaa naga caawin doonta inaan isbeddel kusameyno qaab ciyaareedkeenna, laakiin hadda xaalad xun ayaan ku jirnaa.”