Tababaraha kooxda Manchester City ee Pep Guardiola ayaa ka hadlay barbarihii ay la galeen kooxda Newcastle United kulan ka tirsanaa horyaalka Premier League.
Manchester City ayaa barbardhac 1-1 ah la gashay dhigeeda Newcastle United, kulan ka tirsan wareegga lixaad ee horyaalka Premier League ee ka dhacay St. James Park.
Pep Guardiola ayaa u sheegay TNT Sport”Newcastle waxa ay heshay fursado 10-kii daqiiqo ee ugu horaysay iyo goolka ay dhaliyeen laakiin waxa aan guud ahaan u ciyaarnay si fiican”.
Waxa uu intaa ku daray: “Waxaan sameynay go’aamo qaldan daqiiqadii ugu dambeysay si aan u dhalino goolka labaad, mar walba halkaan way ku adag tahay marka loo eego awooda jireed ee kooxda naga soo horjeeda, waxaan helnay fursado badan, laakiin Bob wuxuu ahaa mid aad u wanaagsan, sidaa darteed waan ka faa’ideysaneynaa. fursadan.”
Isaga oo hadalkiisa sii wata ayuu yidhi: “Markii aanu gool dhalinay si fiican ayaan u ciyaarnay, khalad ayaan samaynay ka dibna si fiican ayay u ciyaareen, laakiin wixii intaas ka dambeeyay ciyaarta ayaan dib u soo celinay waxana aan helnay fursado aan ku guulaysan karno”.
