Paris Saint-Germain ayaa habeen hore macsalaamaysay weeraryahankeedii Lionel Messi kaas oo laba sano oo sidii la filayay aan noqon ku qaatay Parc des Princes.
Paris ayaa bixitaanka Messi ku dhawaaqday kahor kulankii ay guuldarrada 3-2 ah kala kulantay Clermont walow ay xaqiiqsadeen horyaalka Ligue 1 markale.
Messi ayay markale jamaahiirta PSG u muujiyeen sida aysan wax naxariis ah ugu hayn iyagoo ku oriyay kulankaas kahor iyo kaddiba.
Bixitaanka Messi ayaa lagu sifayn karaa mid durtaba baraha bulshada PSG laga dareemay maadaama ay jamaahiir badani ka qulqushay.
Tan iyo bixitaankii Messi, PSG ayaa barteeda Instagram ay ka hadheen (Unfollow) 1.5 Milyan qof, kooxda ayaa haysatay 70.4 Milyan qof oo la socday balse haatan maraysa 68.9.
Dhammaan baraha bulshada ee kale ayay PSG ku weyday taageerayaal badan saacadihii ugu dambeeyay walow aysan u darnayn sida Instagram.
