Halyeeyga Premier League ee Jamie Carragher ayaan haatan Man City ku taageerayn ku guulaysiga premier League kadib dhaawacii soo gaadhay xiddiga Rodri.
Xiddiga ku tartamaya Ballon d’Or ayaa garoonka ka baxay intii lagu jiray kulankii ay barbaraha 2-2 la galeen kooxda ay horyaalka ku xafiiltamaan ee Arsenal Axadii hore, iyadoo City ay xaqiijisay inuu dhaawac ka soo gaaray jilibka midig.
Iyadoo aan weli la xaqiijin inta uu la egyahay dhaawaca, dhammaan calaamaduhu waxay soo jeedinayaan in Rodri uu seegi doono inta ka harsan xilli ciyaareedka 2024/25.
Carragher ayaa sheegay in dhaawaca Rodri uu haatan fursasad u yahay kooxda Arsenal kuwaas oo uu u saadaaliyay kaalinta 1-aad.
“Haatan waxan odhan karaa fursadaha horyaalkau waa 50/50, Man City lagama badiyo marka uu Rodri ciyaarayo”ayuu Carragher Yidhi.
