Real Madrid ayaa wadahadalo horumar leh kula jirta daafac muhiim ah si ay ugu xoojiso kooxdeeda.
Maqnaanshaha Militao iyo Dani Carvajal, ayaa kooxda galiyay xaalad halis ah, iyadoo Antonio Rüdiger uu yahay daafaca dhexe ee kaliya ee hadda la heli karo.
Inkasta oo David Alaba la filayo inuu soo laabto toddobaadyada soo socda, xaaladdiisa jireed ayaan fiicneyn maadaama muddo dheer uu dhaawac la maqnaa.
Carlo Ancelotti ayaa la socodsiiyay guddiga suuqa baahida loo qabo in la keeno ciyaartooy cusub bisha Janaayo si xilli ciyaareedka kooxda uusan hoos u dhac ugu imaan.
Magaca ugu badan ee lagu sheegay suuqa Real Madrid waa Castello Lukeba, oo ah daafac da’yar oo Faransiis ah oo haatan u ciyaara RB Leipzig.
Sida laga soo xigtay ‘DefensaCentral’, kooxda Jarmalka ayaa diyaar u ah inay lacag ku dhow 50 milyan oo Yuuro ku fasaxdo ciyaaryahaka bisha January.
