Marcus Rashford ayaa isku dayi doona in uu Man United ka caawiyo guushii 3-aad oo xidhiidh ah tartamada oo dhan marka ay Red Devils la ciyaari doonto kooxda Arsenal premier League.
Kooxda Ruben Amorim ayaa kulanka soo gali doonta iyada oo 4-0 ku garaacday Everton kulan ka tirsanaa horyaalka Premier league taas oo cadaysay guusheedii ugu waynayd ee xilli ciyaareedkan.
Rashford ayaa labo gool ka dhaliyay kulankii Toffees, wuxuuna haatan dhaliyay seddex gool labadii kulan ee horyaalka uu maamulay Amorim.
Man United ayaan wax guuldaro ah la kulmin 7dii kulan ee ugu dambeeyay tartamada oo dhan,waxana ay soo degeen kaalinta 9-aad ee kala saraynta horyaalka premier League iyaga oo 4 dhibcood ka dambeeya kooxda kaalinta afraad ee Brighton & Hove Albion.
Xiddiga reer England ayaa rikoodh fiican ku leh kulanka Arsenal isaga oo ka hor tagay 17 kulan tartamada oo dhan.
Rashford ayaa ka dhaliyay 6 gool halka uu caawiye ka noqday 4 kale waxana uu sidoo kale badiyay 6 kulan halka laga badiyay 7 kulan.
