Halyeeyga kooxda Manchester United ee Rio Ferdinand ayaa saadaaliyay kulanka Arsenal iyo Liverpool ee todobaadkan ka dhici doona garoonka Emirates.
Kulanka todobaadka ee horyaalka Premier League ayaa ka dhici doona garoonka Emirates iyada oo Arsenal ay marti galin doonto kooxda ay ku xafiiltamaan horyaalka ee Liverpool.
Kooxda Arne Slot ayaa si cajiib ah ku bilaabatay xilli ciyaareedka 2024/24, iyagoo badiyay 7 ka mid ah siddeedii kulan ee ugu horeysay Premier League iyagoo hal dhibic ka sareeya Manchester City.
Dhanka kale Arsenal ayaa dhibco lumisay kulamada ay la ciyaartay kooxaha Brighton, Man City iyo AFC Bournemouth.
Ferdinand Ayaa sheegay in ay Liverpool ugu cad-cadahay in ay badiso kulanka labada kooxood ku dhexmari doona Emirates.
“Waxa aan qabaa qaab ciyaareedka iyo natiijooyinka Liverpool, 100% waxa ugu cad-cad Liverpool in ay badiso kulanka”ayuu Ferdinand yidhi.
