Roberto De Zerbi ayaa daaha ka qaaday inuu digniin siiyay Mason Greenwood ka hor inta uusan weeraryahanka Ingariiska 27 milyan oo ginni uga soo dhaqaaqin Manchester United.

Laacibkii hore ee laga saaray Old Trafford ayaa ahaa saxiixii ugu horreeyay ee la sameeyo intii uu hoos joogay De Zerbi – kaasoo sidoo kale ku biiray kooxda xagaagan ka dib markii uu ka tagay Brighton ka dib kulankoodii ugu dambeeyay ee xilli ciyaareedkii 2023-24.

Greenwood ayaa xilli ciyaareedkii hore amaah ugu soo ciyaaray kooxda LaLiga ee Getafe mana u ciyaarin United tan iyo markii la xidhay January 2022.

Ka dib waxaa lagu soo oogay dacwad isku day kufsi, weerar iyo xakameyn iyo dhaqan qasab ah.

Greenwood ayaa si adag u diidday arrinka, eedeymaha iyo kiiskuna waa la laalay Febraayo 2023 markii markhaatiyaashii muhiimka ahaa ay ka baxeen.

De Zerbi ayaa ku riixay in Marseille ay la soo wareegto Greenwood, in kasta oo ay taageerayaasha mudaaharaadyo iyo xitaa diidmo qayaxan kaga timid duqa magaalada Faransiiska.

Tababaraha Marseille wuxuu yidhi: ‘Greenwood waa ciyaaryahankii ugu horreeyay ee aan waco.