Rodrygo ayaa ka xanaaqay heerka laga istaajiyay abaalmarinta Ballon d’Or xilli xiddiga Real Madrid uu soo jeediyay in lagu ganaaxay wax badan oo uu ku taamayay

Weeraryahanka Real Madrid Rodrygo ayaa qirtay inuu ka xumaaday ka dib markii laga saaray 30-ka ciyaaryahan ee u sharaxan Ballon d’Or.

23 jirkaan ayaa Real Madrid u dhaliyay 17 gool iyo sagaal caawin xilli ciyaareedkii hore markii ay ku guuleysteen Champions League iyo La Liga, laakiin laguma aqoonsan dadaalkiisa qeyb ka mid ah musharixiinta Ballon d’Or.

Rodrygo ayaa tan iyo markaas ka hadlay ka reebistiisa, isagoo ku andacoonaya inuu “u qalmo” in la magacaabo isagoo muujiyay sida uu uga xun yahay.

Isagoo la hadlayay ESPN, xiddiga Brazil ayaa yiri: “Waan xanaaqay, waxaan u maleynayaa inaan u qalmay.

Ma doonayo inaan yareeyo ciyaartoyda halkaas jooga, laakiin waxaan filayaa inaan boos ku lahaa 30-ka.

Waxay ahayd wax lala yaabo, Laakiin ma jiraan wax badan oo aan samayn karo, ma ihi kan go’aamiya waxyaalahan.”

Rodrygo waxa kale oo uu soo jeediyay in kala duwanaanshihiisa laga yaabo in lagu tiriyo isaga oo ka soo horjeeda habka codaynta, isaga oo raaciyay:

“Inta badan, waxaan buuxinayaa boosaska.

Ma qof baa meeshaas ka maqan? Soo gal Rodrygo camal.

Midig malaga maqan yahay? Rodrygo.

Ma qof ayaa ka maqan lambarka 9 ? Rodrygo.

Waaxa laga yaabaa inay wax yar iga hor timaado, laakiin waxaan ahay ciyaaryahan kooxeed.

Isagoo ku mutaystay abaal marinta xiddiga garoonka dadaalkii uu sameeyay markii Brazil ay garaacday Ecuador isreeb reebka koobka aduunka ee dhawaa, Rodrygo ayaa mar kale raadin doona inuu saameyn ku yeesho marka ay u safraan Paraguay talaadada.

Kadib waxaa lagu wadaa inuu ku laabto Real Madrid kulankooda xiga ee horyaalka La Liga ee ay la ciyaarayaan Real Sociedad 14ka Sebtember.