Roy Keane ayaa weeerar ku qaaday difaacashada Trent Alexander-Arnold kadib guushii ay England 3-1 kaga badisay Finland kulan ka tirsanaa UEFA Nations League.
Alexander-Arnold ayaa ka mid ahaa kuwa lagu dhaleeceeyay qaab ciyaareedkiisii kulankii Greece bartamihii isbuuca, iyadoo Lee Carsley uu doortay inuu daafaca bidix u isticmaalo xiddiga Liverpool kulanka Finland.
Isku soo wada duuboo Alexander-Arnold ayaa qaab ciyaareed fiican soo bandhigay waxana uu xitaa gool dhaliyay kulankii Finland.
Laakiin Keane ayaan la dhicin Arnold waxana uu u sheegay in aanu wali soo bandhigin qaab ciyaareed fiican.
Xidigii hore ee Manchester United ayaa u sheegay ITV Sport: “Marka aad waqti siiso Trent, go’aan qaadashada iyo tayada baaskiisa waa cajiib”.
“Laakiin ma rumaysan karo sida uu u xun yahay difaaciisa, marka uu kooxaha waaweyn ka hor tago waa la ogaadaa diciifnimadiisa”.
