Rúben Amorim, oo dhawaan la wareegay shaqada tababare ee Manchester United, ayaa durbaba soo bandhigay qorshihiisa suuqa jiilaalka.
Tababaraha reer Portugal, oo caan ku ah go’aano adag ayaa hadda ku daray liiska madow ee kooxdiisa dhowr ciyaartooy oo muhiim u ah qolka labiska Red Devils.
Sida laga soo xigtay ‘Calciomercato’, Amorim waxa uu aqoonsaday dhawr ciyaartoy oo uu hogaaminayo Rashford kuwo aan kujirin qorshihiisa mustaqbalka kooxda.
Magacyada la xusay sidookale ee ka mid ah ciyaartoy kujira liiska madow waxaa kamid ah Casemiro, Christian Eriksen, iyo Marcus Rashford, kuwaas oo kooxda ka ahaa sannadihii u dambeeyay laf dhabar.
Waxaa sidoo kale liiska madow ku jira Victor Lindelof oo lumiyay kalsoonida tababaraha iyo Joshua Zirkzee oo ku guul daraystay in uu qanciyo tababaraha reer Portugal.
