Manchester United, Ruben Amorim, ayaa Ka hadlay guuldaradii kooxdiisa ka soo gaadhay Arsenal kulan ka tirsanaa premier League.
Man United ayaa guuldaro 2/0 ah kala kulantay kooxda Arsenal kulan ka dhacay Emirates kana tirsnaaa todobaadkii 14-aad ee horyaalka.
Amorim ayaa yiri: “Waxay ahayd ciyaar adag, waxaan isku daynay inaan u ciyaarno qaab ciyaareedkeena, gaar ahaan qeybtii hore, waxaan noqon karnaa kuwa dagaal badan, laakiin waxaan u baahanahay tababar dheeri ah si aan heerkaan u gaarno.”
Isaga oo hadalkiisa sii wata ayuu yidhi:”Kubadaha madaxa ah ayaa wax weyn ka badalay ciyaarta, waxa aan samaynayeen sidaas muddo sanado ah, waxa aanu isku daynay in aanu difaacno, laakiin way ku adag tahay koox kasta in ay difaacdo Arsenal”.
Wuxuu intaas ku daray: “Waan fiicnaan doonaa marka uu waqtigu sii socdo, waa inaan isticmaalnaa daqiiqad kasta si aan isku dayno inaan horumar sameyno, waxaana halkaan u joognaa si aan taas u gaarno, waxaan heysanaa wax badan oo aan kor ugu qaadno tayadayada dhammaan qeybaha kooxda”.
Isaga oo hadalkiisa sii wata ayuu yiri: “Waxaad dareemi kartaa in ciyaartoyda aysan u ciyaarin si raaxo leh, waxaan heysanay maalin aan sameyno istaraatiijiyad”.
