Man United ayaa ku guuldareysatay inay hesho seddexdii dhibcood ee ay taageerayaashu u oo manayeen intii lagu jiray kulankii ugu horreeyay ee Ruben Amorim laakiin tababaraha cusub ayaa la dhacay dadaalka xiddigaha kooxdiisa.

Reds ayaa ku ciyaartay shax cusub oo ah 3-4-2-1 kulankii Ipswich ee Portman Road, iyadoo Amad uu ku jiray booska weerarka halka Rashford hogaaminayay weerarka.

“Waxay isku dayeen inay sameeyaan, taasi waa qodobka ugu muhiimsan,” ayuu yidhi Ruben.

“Wax badan ayaan haysanaa inaan horumarino, laakiin way isku dayeen, tani waa qodobka koowaad”.

“Waxay ahaayeen kuwo aad u fekeraya inta lagu guda jiro ciyaarta, iyagoo isku dayaya inay la qabsadaan wax walba oo aan nidhi inta lagu jiro tababarka. Laakiin waxay ahayd [kaliya] laba tababar”.

“Waan badin karnaa kulankaan, laakiin sidoo kale Onana wuxuu sameeyay badbaadino waa weyn, mar walba way adag tahay in laga ciyaaro horyaalkan, mustaqbalkana waan horumarin doonaa”.