Ruben Amorim ayaa magacaabay hal ciyaaryahan oo uu aaminsan yahay inuu ‘muhiim u noqon doono’ nidaamkiisa kulankiisii ​​ugu horeysay ee uu hogaamiyo Manchester United uu ku dhamaaday barbaro 1-1 ah oo ka dhacay Ipswich Town.

Marcus Rashford ayaa hogaanka u dhiibay United daqiiqadii 4-aad ee ciyaarta laakiin Omari Hutchinson ayaa kooxdiisa ku soo celiyay ciyaarta qaybtii dambe.

Ipswich ayaa u muuqatay in ay aad ugu dhawdahay in ay badiso ciyaarta qaybtii danbe ee ciyaarta, iyada oo Andre Onana uu sameeyay badbaadino xidhiidh ah oo muhiim ah intii ay ciyaartu socotay.

Xiddiga Noussair Mazraoui ayuu Amorim ku tilmaamay xiddig muhiim u ah kooxdiisa isla markaas shaxdiisa cusub door weyn ka ciyaari doono.

“Ma haysano daafacyo dhexe oo aad u badan sidaas darteed waa inaan la qabsanaa ciyaartoyda qaar, waxaan u maleeyay in Noussair Mazraoui uu si fiican u shaqeeyay”.

“Isagu aad ayuu u caqli badan yahay, aad ayuu muhiim noogu yahay, meel walba ayuu ka ciyaari karaa, ciyaartoyga noocaas ah ayaana muhiim u ah mustaqbalkeena”.