Ruben Amorim oo Wajahaya Dhibaato Dhaawac Kahor Kulankiisii Ugu Horreeyay ee Man United.
Ruben Amorim ayaa la kulmay dharbaaxo dhaawac ka hor inta uusan hoggaanka u qabanin ciyaartiisii ugu horreysay ee Manchester United.
Tababaraha reer Portugal, oo shaqada Red Devils kala wareegay Ten hag ka hor intq uusan macsalaameen kooxdiisii hore Sporting Lisbon.waxa uu ku sugan yahay magaalada Manchester toddobaadkan isagoo isbarbar-dhigaya shaqadiisa cusub iyo tii hore.
Wuxuu booqday xarunta tababarka Carrington oo uu kula kulmay qaar ka mid ah ciyaartoyda kooxda, halka kuwa kale ay ku maqnaayeen waajibaadka xulalkooda qaran.
Hase yeeshee, ciyaaryahanka kale, Victor Lindelof, oo u ciyaaraya xulka Sweden, ayaa u muuqda inuu dhaawac ka soo gaaray kulankii uu u saftay dalkiisa. Arrintani waxay keeni kartaa walaac cusub oo Ruben Amorim ah, gaar ahaan maadaama uu dhowr maalmood uun ka harsan yahay kulankiisa ugu horreeya ee horyaalka.
Lindelof, oo muddo toddobo sano ah ku sugnaa Old Trafford, ayaa inta badan ahaa ciyaaryahan kayd ah. Waxa uu rajeynayay inuu helo fursad uu isku muujiyo inta lagu jiro xukunka cusub ee Amorim, kaas oo la filayo inuu hirgeliyo nidaam saddex daafac ah.
Si kastaba ha ahaatee, iyadoo Yoro uu dhaawac yahay iyo shakiga ku gadaaman taam ahaanshaha Martinez, waxaa suuragal ah in Amorim uu si degdeg ah uga faa’iidaysto ciyaartoyda kaydka ku jira sida Maguire, Jonny Evans, iyo Lindelof, si uu u isticmaalo nidaamka cusub ee uu damacsan yahay.
