Ruud van Nistelrooy ayaa amaan kala dul dhacay Casemiro kadib markii ay Manchester United 5-2 kaga badisay Leicester City kulan ka tirsan League Cup.
Casemiro ayaa laba ka mid ah shantii gool ee ay United ku dhalisay Old Trafford ka dhaliyay, iyadoo Bruno Fernandes iyo Alejandro Garnacho ay sidoo kale shabaqa soo taabteen.
Ciyaaryahanka heerka caalami ee dalka Brazil ayaa dib u helay qaab ciyaareedkiisii fiicnaa isaga oo muujiyay in uu yahay mid wacdaro dhigaya.
Casemiro ayaa la kulmay dhaleecayn ku saabsan qaab ciyaareedkiisa kulamadii hore intii uu Ten Hag hogaaminayay kooxda.
Laakiin Van Nistelrooy ayaa amaan ugu qubeeyay xiddiga khadka dhexe iyo muhiimada uu u leeyahay Man United.
“Aad ayaan ugu faraxsanahay Casemiro, sida uu tababarka u qaato iyo sida uu kooxda u caawiyo waa tusaale lagu daydo”.
“Waxan ku faraxsanahay in uu kooxdan joogo, waan ogahay waxa uu ku jiraa xaalad adag waxana uu la kulmay dhaleecayn xoogan kadib kulankii Liverpool”ayuu sii raaciay.
