Saddex hantiilayaan ayaa lagu soo waramayaa inay hormuud ka yihiin tartanka loogu jiro iibsiga Chelsea mar uun mustaqbalka.
Natiijadii ka dhalatay cunaqabataynta ay dawladdu soo rogtay Khamiistii , milkiilaha Roman Abramovich ayaa laga horjoogsanayaa inuu iibiyo kooxda Premier League isla markaana la joojiyo dakhliga ka soo xarooda kooxda ka dhisan Galbeedka London.
Inkasta oo ay wararku sheegayaan in Abramovich laga yaabo in uu ku kala tago Chelsea marka la eego shuruudaha dawladda, haddana ma jirto dammaanad qaad ah in bilyaneerka Ruushku uu jidkaas mari doono.
Si kastaba ha ahaatee, waxaa la sheegay in mas’uuliyiinta naadiga ay u dhaqaaqeen inay wadahadal la furaan dowladda Ingiriiska , iyagoo og inay la kulmayaan suurtagalnimada burbur dhaqaale haddii aan wax laga beddelin shatiga hadda jira.
Sida laga soo xigtay The Telegraph , saddex Milyineero oo ayaa sugaya iibsiga haddii ay dhacdo in wadahadal iyo gorgortan ay gali karaan
Abramovich ayaa markii hore dalbaday ugu yaraan 3 bilyan oo ginni Chelsea, laakiin hadda ma haysto fursad uu ku soo ceshado lacagtaas.
