Tababaraha Manchester City Pep Guardiola ayaa xaqiijiyay in Eric Garcia uu ku wajahan yahay Barcelona dhamaadka xilli ciyaareedkan.
Garcia ayaa diiday dalabkii City ee heshiiska cusub sanadkii la soo dhaafay waxaana la filayay inuu u dhaqaaqo Catalonia bisha Janaayo marka uu furmo suuqa kala iibsiga, laakiin heshiis ku saabsan lacagta ayaa la gaari waayey.
Si kastaba ha noqotee, iyadoo 20 jirkaan uu wajahayo bilihii ugu dambeeyay ee qandaraaskiisa garoonka Etihad Stadium, Guardiola ayaa shaaca ka qaaday in Garcia uu dhab ahaantii dib ugu laabanayo meeshii uu xirfadiisa ka bilaabay.
Tababarihii hore ee Blaugrana ayaa u sheegay suxufiyiinta shirkiisa jaraa’id: “Eric Garcia wuxuu la mid yahay wiilkiisa. uuna ku feecnaa kooxda.
“Waligiis qalad ma uusan sameynin wuxuuna ciyaaray quarter-finalka Champions League. Wuxuu aadayaa Barcelona mana ahan mid shaku ku jiro arintaasi.
Waa ciyaariyahan sare, lama xulan labadii kulan ee ugu dambeysay waana arin qalbi jab ah.
Garcia wuxuu ku soo barbaaray da ‘yarta Barcelona ka hor inta uusan u dhaqaaqin Manchester City 2017, halkaasoo uu u saftay 32 kulan tartamada oo dhan, laakiin daafaca ayaa kaliya ku soo bilowday xilli ciyaareedkaan labo kulan oo Premier League ah.
