Tababaraha kooxda Bayern Munich ee Thomas Tuchel ayaa ka hadlay mustaqbalka difaaca reer Portugal ee Joao Cancelo oo ay amaah kaga soo qaateen Manchester City, kaas oo maalmihii ugu dambeeyey la isla dhax marayay in aanay hirgelin doonin qodobkii u ogolaanayay inay si rasmi ah ula wareegaan.
Joao Cancelo ayaa bishii January ay Bayern Munich kula wareegtay heshiis amaah ahaa kaddib markii uu ka baxay liiska ciyaartoyda uu tababare Pep Guardiola ku qanacsan yahay. Waxa heshiiskiisa amaahda ahaa ku jiray qodob Bayern Munich u ogolaanaya inay si buuxda ula wareegaan.
Thomas Tuchel oo bishii April beddelay Julian Nagelsmann ayaa sheegay in uu aad ugu faraxsan yahay Cancelo oo uu kusoo bilaaby lix ciyaartoy oo uu laacibka reer Portugal na ugu abaal-guday laba cawimood.
Arsenal ayaa si aad ah loola xidhiidhinayaa Joao Cancelo, iyadoo la sheegayo in Munich ay ka cago-jiidayso in ay bixiso €70 milyan oo Euro oo ay City ku xidhay heshiiskii amaahda ahaa.
“Doonistiisa tabbarka ayaa ah mid uu kaga duwan yahay ciyaartoyda kale. Waxa aan dareemayaa in uu ku faraxsan yahay halkan. Waanu ka wada hadli doonaa wax walba marka uu xilli ciyaareedku dhamaado.”