Toni Kroos ayaa magacaabay 4-ta saaxiib ee uu ugu jecelyahay waayihiisa Real Madrid, waxaana halyeeyga reer Jarmal uu meesha ka saaray magacyo waa weyn.
Guud ahaan Kroos ayaa 10 sano ku qaatay Real Madrid wuxuuna u saftay 465 kulan wuxuuna kula guulaystay 22 koob.
Intii lagu guda jiray wareysi dhowaan uu dhawaan bixiyay, Kroos wuxuu ka faa’ideystay fursad uu ku magacaabo saaxiibadii uu ugu jeclaa waqtigiisii Spain.
Luka Modric
Modric iyo Kroos ayaa sameeyay mid ka mid ah iskaashiga khadka dhexe ee ugu fiicnaa ee abid aduunka soo maray lamana yaabin in xiddiga reer Croatia uu ku guulaysto liiskan.
Labada ciyaaryahanba midba midka kale ayuu ammaanay, intii ay ku jireen heerka ugu sarreeya, waxaad ku dhibtoon doontaa inaad hesho laba ciyaaryahan oo khadka dhexe ah oo ka fiican kubbadda cagta adduunka.
“Runtii sharaf ayey ii ahayd inaan idinla wadaago khadka dhexe ee Real Madrid,” Modric ayaa ku yiri baraha bulshada markii uu Kroos ka fariistay ciyaaraha.
“Habeenada Yurub ee aan la ilaawi karin, koobabka, sixirka Bernabeu… Weligay ma iloobi doono waayaha dahabiga ah ee kooxda nolosheenna.
Sergio Ramos
Kroos ayaa kasoo garab ciyaaray Ramos muddo 7 sano ah, waxaana kabtankii hore ee Real Madrid uu si cad uu la lahaa xiriir wanaagsan mudadaas.
Cristiano Ronaldo
Goolasha Ronaldo la’aanteed, guulaha koobabka ee Kroos hubaashii ma ahaan lahaayeen kuwo la soo ururiyay sida maanta oo kale.
Marka la eego muddada ay labada ciyaaryahan ku qaateen Madrid, waxay u muuqataa mid maskaxiyan ah inay iska garab ciyaarayeen kaliya afar sano ilaa uu Ronaldo ugu dambeyntii ka tagay 2018.
Casemiro
Intii lagu guda jiray wareysiga, Kroos wuxuu magacaabay Ronaldo, Ramos iyo Mordic seddexda saaxiib ee uu jecel yahay, laakiin wuxuu sidoo kale si gaar ah u xusay Casemiro.
“Ka afaraad waa Casemiro, sido kale wax badan ayuu i caawiyay,” Kroos ayaa yiri intii lagu jiray wareysiga.
