Virgil van Dijk ayaa doonaya inuu qandaraaska u kordhiyo kooxdiisa Liverpool oo uu mustaqbalkiisa u hibeeyo kooxda sida laga soo xigtay Football Insider.
Sida laga soo xigtay khabiirka Premier League Mick Brown, ‘shaki kuma jiro’ in kabtanku uu kordhin doono heshiiska cusub ee Liverpool ka dib markii uu la dhacay hamiga Arne Slot ee xilli ciyaareedka.
Laacibka reer Holland ayaa goor sii horeysay shaaca ka qaaday in kooxdu ay wadahadalo la bilowday wakiilkiisa si uu heshiis cusub ugu saxiixo kooxda.
Virgil van Dijk oo ay weheliyaan labada xiddig ee kale ee Mohamed Salah iyo Trent Alexander-Arnold ayaa noqon doona xiddigo xor ah dhamaadka xilli ciyaareedka.
Hadii labada dhinac heshiis isla gaadhaan waxa la shaacin doonaa in uu kabtanka Liverpool saxiixay heshiis cusub.
