Kooxda Man United ayaa lagu soo waramayaa in ay tababaraha kooxda Inter Milan ee Simone Inzaghi u calaamadsatay badalka tababare Erik Ten Hag ee Old Trafford.

Maamulka Man United ayaa su’aal galiyay shaqada Erik Ten Hag kdib markii ay kooxdu qaab ciyaareed liita soo bandhigtay kulankii Tottenham ee premier Leageu.

Erik Ten Hag ayaa ku adkaysanaya in uu yahay midka ku haboon shaqada Man United laakiin maamulka sare ee Red Devils ayaa doortay badalkiisa mustaqbalka dhaw.

Sida laga soo xigtay Star Sport, maamulka United ayaa ka meer-meeraya in ay shaqada ka caydhiyaan tababaraha laakiin hadana waxa uu durba bilaabay in uu raadiyo badalkiisa hadii ay dhacdo in shaqada laga caydhiyo Ten Hag.

Maamulka Man United ayaa tababaraha Inter Milan ee Simone Inzaghi u calaamadsaday bartilmaameedka 1-aad ee Badalka Erik Ten Hag.

Simone Inzaghi ayaa shaqo cajiib ah ka haya Inter isaga oo geeyay final-ka champions League sido kale ku hogaamiyay horyaalka Talyaaniga.