Gooldhaliyaha ugu sareeya Manchester City Erling Haaland ayaa isku dayi doona inuu goolashiisa wax ku kordhiyo marka Citizens ay u safreyso garoonka Anfield halkaasoo ay kula ciyaari doonaan hogaamiyayaasha Premier League Liverpool Axada.

Xiddiga reer Norway ayaa laba gool dhaliyay kulankii ay kooxdiisu bar-baraha 3/3 ah la gashay kooxda Feyenoord kulan ka tirsanaa champions League.

Haaland ayaa haatan ah xiddiga hogaaminaya gooldhalinta premier League xilli ciyaareedkan isaga oo dhaliyay 12 gool ilaa haatan xilli ciyaareedkan.

Si kasta ha ahaatee xiddiga ayaan rikoodh fiican ku lahayn goolka kooxda Liverpool.

Erling Haaland ayaa kooxda Liverpool ka hor tagay 7 kulan tartamada oo dhan iyada oo uu ku jiro labadii kulan ee uu u ciyaaray kooxda Red Bull Salzburg.

Haaland ayaa Liverpool ka dhaliyay 3 gool kulamadii uu ka hor tagay kooxda tartamada oo dhan.

Waxa uu ka badiyay 1 kulan halka uu bar-baro galo2 kulan isla markaas guuldaro kala kulmay 4 kulan.