Waqtiga uu Garoomada ku soo Laabanayo Gabriel Jesus oo la Shaaciyay

Weeraryahanka Arsenal ee Gabriel Jesus ayaa shaaciyey waqtiga uu kusoo laaban doono garoomada xilli uu ku maqan yahay dhaawac kasoo gaadhay Koobkii Adduunka ee  Qatar, kaas oo sababay in lagu sameeyo qalliin jilibka ah oo saddex bilood qaadanaya.

Gabriel Jesus ayaa ka farxiyey taageereyaasha Arsenal oo uu u sheegay in uu isku diyaarinayo sidii uu mar kale u hoggaamin lahaa weerarka kooxdiisa, si ay ugu guuleystaan hroyaalka Premier League.

25 jirkan oo la hadlayay feedhyahanka Muslimka ah ee Khabib Nurmagomedov, oo ay wada daawanayeen ciyaartii Arsenal ay 3-2 ku garaacday Manchester United Axaddii, ayaa waxa uu sheegay, in uu sii maqnaan doono muddo afar illaa shan toddobaad oo kale ah oo ka dhigan bil iyo dhawer maalmood.

Khabib Nurmagomedov ayaa weydiiyey Jesus, goorma ayaad soo laabanaysaa, waxaana uu xiddiga Brazil ku jawaabay: “Waxa aan u malaynayaa, in afar ama shan toddobaad kaddib aan soo laaban doono.”

Arsenal oo hadda isku diyaarinaysa ciyaarta Jimcaha ee Manchester City ee tartanka FA Cup, ayaa uu hadalka kasoo yeedhay Gabriel Jesus u yahay farxad weyn, sababtoo ah dhamaadka bishii December oo la sameeyey qalliinka jilibka ee laacibkan ayaa la filayay inuu qaato illaa dhamaadka bisha March.

Muddadii uu maqnaa Gabriel Jesus, waxa weerarka Arsenal uga ciyaarayay laacibka da’da yar ee Eddie Nketiah oo laba gool ka dhaliyey Manchester United Axaddii, waxaana uu helayaa kalsooni uu kula tartami doono Jesus.

Wararka Ciyaaraha

Be the first to comment

Leave a Reply

Your email address will not be published.


*