Agaasimaha ciyaaraha Barcelona Mateu Alemany ayaa u sheegay Ousmane Dembele inuu “baxo”.
Dembele ayaa u sheegay Barca inuusan cusbooneysiin doonin qandaraaskiisa, sida uu sheegay Alemany, kaasoo maanta shaaca ka qaaday in weeraryahanka France uu u baahan yahay inuu si degdeg ah u baxo.
Newcastle, Chelsea iyo Manchester United ayaa xiriir la leh xidigan, Barca ayaa diyaar u ah inay iska iibiso weeraryahanka.
“Waan fahansanahay in Dembele uu go’aansaday inuusan Barca sii joogin, waxaana ku dhawaaqnay go’aankeena inaanan dooran,” Alemany ayaa sidaasi sheegay sida laga soo xigtay Goal .
“Waxaan dooneynaa ciyaaryahano ay ka go’an tahay kooxda, waxaana u sheegnay inay tahay inuu ka tago kooxda sida ugu dhaqsiyaha badan.
“Waxaan filaynaa in Ousmane la iibin doono ka hor Janaayo 31.”