Khabiirka iyo falanqeeyaha kubadda cgta ee Chris Kamara ayaa sheegay, in uu joojiyey shaqada warbaahinta ee toddobaadkan, kaddib markii ay soo waajahday dhibaato dhinaca hadalka ah oo uu codkiisu khalkhalay.
Kamara oo caan ka ah kubadd cagta oo muddo dheer usoo shaqaynayay Sky Sports, ayaa waxa lagu tilmaamaa in uu yahay ninka ugu xooggan kubadda cagta UK ee dhinaca tabinta iyo falanqaynta kubadda cagta.
Qoraal uu soo dhigay bartiisa Twitter-ka ayaa uu ku sheegay in ay haysato dhibaato dhinaca hadalka ah isla markaana uu bannaanka ka noqon doono shaqadan oo uu muddo dheer kusoo jiray.
65 jirkan ayaa waxa ku dhacay xanuun loo yaqaano ‘Apraxia’ oo hadalka ku dhajiya dadka, kaas oo codka hoos u dhiga, mararka qaarkoodna gaadhsiiya heer uu hadalkuba kasoo bixi waayo qofka.
Chris Kamara ayaa sannadkii hore ee 2022 waxa uu soo afjaray muddo 24 sannadood ahaa oo uu ka shaqaynayay Sky Sports, haddana waxa uu kasii baxayaa gebi ahaanba shaqadan.