War Deg Deg:- Fernando Santos Oo Shaaciyey Hadalkii ka Careysiiyay Ronaldo ee isagu ku yiri

Tababaraha xulka qaranka France ee Fernando Santos ayaa maanta hor yimid saxaafadda, isaga oo qabtay shirkii jaraa’id ee ka  horreeyey kulanka Morocco, waxaanay saxaafaddu ku boobtay su’aalo xaasaasi ah oo intooda badan ku saabsanaa xurgufta u dhaxaysa Cristiano Ronaldo.

Maalmihii ugu dambeeyey waxay saxaafaddu si weyn u hadal haysay xulka qaranka Portugal, gaar ahaan Cristiano Ronaldo oo la sheegay inuu ku hanjabay inuu iskaga tegayo xulka iyadoo uu socdo Koobka Adduunku, kaddib markii la fadhiisiyey ciyaartii Switzerland.

Xidhiidhka  kubadda cagta Portugal ayaa war-saxaafadeed ay soo saareen ku beeniyey arrintaas, sidoo kalena Ronaldo ayaa qoraal uu ku daabacay bartiisa Instagram waxa uu ku sheegay in qolka labbiska Portugal midaysan yahay oo ay isku duuban yihiin, taas oo uu meesha kaga saarayay wararka la isla dhax wareegayo.

Tababare Fernando Santos ayaa la weydiiyey waxa ka jira haddii uu Ronaldo ugu hanjabay inuu iskaga tegayo xulka, waxaanu ku jawaabay: “Marna iima sheegin inuu doonayo inuu iskago xulka Portugal. Iima aanu sheegin aniga. Waad arkaysaan sida uu u dhaqmayo, sababtoo ah waxa uu la dabbaal-degaa goolasha ciyaartoyda saaxiiibadii dhaliyaan, way mahadsan yihiin taageereyaashuna.

Santos ayaa sidoo kale la weydiiyey hadalka ka cadhaysiiyey Ronaldo ka hor kulankii Switzerland ee uu kaydka dhigay ee uu ku yidhi, waxaanu ku jawabay: “Waxa aan u sheegay in aanu kusoo bilaabanayn wareegga 16ka. Kuma aanu faraxsanayn wada-hadalkayaga, waanu cadhooday.”

Wararka Ciyaaraha

Be the first to comment

Leave a Reply

Your email address will not be published.


*