Warar laga Helayo Heshiiska Arsenal ay la gaartay Xidiga Leandro Trossard

Arsenal ayaa tallaabo kale u qaadday dhamaystirka heshiiska xiddiga reer Belgium ee Leandro Trossard oo ay kala soo wareegayso Brighton, kaas oo sidii aanu wararkayagii hore idiinku soo gudbinay ay Gunners heshiiskiisa shaqsiga ah waqti hore dhamaystirtay.

Gunners ayaa waxay dedaal badan ku bixinaysay sidii ay qiimaha laacibkan ugala heshiin lahayd Brighton & Hove Albion, waxaanay ugu dambayntii isla meel-dhigeen in ay Arsenal bixiso £21 milyan oo Gini oo kaash ah iyo lacago kale oo ku xidhnaan doona bandhiggiisa ciyaareed oo wadarta guud ka dhigi doona £27 milyan oo Gini.

Leandro Trossard ayaa saxeexi doona heshiis soconaya illaa xagaaga sannadka 2027 kaas oo sidoo kalena Arsenal siinaya sannad kale oo dookh ah oo ay ku kordhin karto qandaraaska laacibkan.

28 jirkan ayaa Emirates Stadium iman doona ka hor maalinta Axadda ee ay Manchester United kusoo dhoweynayaan garoonkan, waxaanu sidaas ku noqon doonaa saxeexii ugu horreeyey ee ay Arsenal samayso suuqa bishan January.

Tababare Mikel Arteta ayaa ugu dambayntii faraxsan kaddib laba saxeex oo ay Chelsea ka hor qaadday oo ahaa Joao Felix iyo Mykhailo Mudryk.

Leandro Trossard ayaa kusoo shaac-baxay kooxda reer Belgium ee Genk ka hor intii aanu usoo wareegin Brighton oo uu bandhig heersare ah ka sameeyey, isaga oo xilli-ciyaareedkan socda u saftay 16 kulan oo Premier League ah oo uu u dhaliyey toddoba gool iyo saddex kale oo uu caawiye ka noqday.

Wararka Ciyaaraha

Be the first to comment

Leave a Reply

Your email address will not be published.


*