Ku soo dhawaada Wararka Suuqa kala iibsiga ee Ciyaaraha maanta oo aad Maalin kasta kala socotaan Warbaahinta Ciyaaro.com
Weeraryahanka Tottenham ee Brazil Richarlison, 25, ayaa ku biiray Paris St-Germain weeraryahanka France Kylian Mbappe, oo 24 jir ah, iyo weeraryahanka Benfica ee Portugal Gonçalo Ramos, 21, si ay ugu beddelaan weeraryahanka France Karim Benzema, 35,, ee Real Madrid . (Mundo Deportivo – in Spanish)
Juventus ayaa dooneysa inay lasoo saxiixato Richarlison si ay ugu buuxiso booska weeraryahanka Serbia Dusan Vlahovic, oo 23 jir ah, kaasoo la filayo inuu ka tago kooxda Serie A xagaaga. (Calciomercato – in Italian)
Mbappe waxa uu xagaagii hore la xidhiidhay Real Madrid – isaga oo u sii maraya “saaxiibadiis” – waxa uuna sheegay in uu ka qoomameeyay in uu heshiis cusub u saxiixo kooxda PSG waxana uu ka codsaday kooxda heysata horyaalka La Liga in ay la soo wareegto. (Marca)
Real Madrid ayaa doonaysa Mbappe, laakiin waxa ay rajaynayaan in ay si xor ah kula soo wareegaan marka uu heshiiskiisa PSG ku dhamaado 2024. (AS – in Spanish).
Kabtanka Tottenham ee England Harry Kane, oo 29 jir ah, ayaa ah bartilmaameedka koowaad ee weeraryahanka Manchester United xagaagan. (Manchester Evening News)
Tottenham , inkastoo, ay diyaar u yihiin inay Kane ku daraan go’aamada muhiimka ah ee mustaqbalka kooxda iyagoo isku dayaya inay ku qanciyaan inuu qandaraaska u kordhiyo wax ka badan 2024. (90min)
Weeraryahanka kooxda Liverpool ee Roberto Firmino ayaa isku soo bandhigay kooxda Barcelona . 31 jirka reer Brazil ayaa ka tagi doona Anfield dhamaadka xilli ciyaareedkan. (Onefootball, vai Sport)
Ciyaaryahanka khadka dhexe ee kooxda Manchester City Ilkay Gundogan, oo 32 jir ah, ayaa ah “doorka ugu macquulsan” ee Barcelona , iyagoo doonaya inay xoojiyaan khadkooda dhexe xagaagan. (Sport – in Spanish)
Tababarihii hore ee Chelsea , German Thomas Tuchel, 49, ma tixgelin doono inuu Antonio Conte ka bedelo tababaraha Tottenham ilaa ay ku guuleystaan u soo bixitaanka Champions League. (Football Insider)
Inter Milan ayaa ka fikiraysa in ay Conte oo 53 jir ah u magacawdo tababare markii labaad xilli ay isku diyaarinayso in ay shaqada ka caydhiso saaxiibkiisa reer Italy ee Simone Inzaghi oo 46 jir ah (Insider Football).
Conte ayaa laga yaabaa inuu ka tago Tottenham dhamaadka xilli ciyaareedkan, waxaana uu bedeli karaa Jose Mourinho, oo 60 jir ah, isagoo tababare u ah Roma . (Football Italia)
Daafaca Slovakia Milan Skriniar, oo 28 jir ah, ayaa go’aansaday inuu isaga tago Inter Milan xagaaga, waxaana uu si xor ah ugu biirayaa Paris St-Germain . (Fabrizio Romano)
PSG waxa ay haysataa kaliya 80 milyan oo euros (£70.7m) xagaagan, waxaanay isha ku haysaa inay iibiso ugu yaraan mid ka mid ah weeraryahanka Brazil Neymar, oo 31 jir ah, iyo Lionel Messi, oo 35 jir ah, si ay lacag ugu hesho saxiixyo cusub. (Goal)
Inter Miami iyo Major League Soccer ayaa isticmaalaya “dhammaan siyaabaha suurtagalka ah” si ay Messi ugu soo jiidaan America xagaaga. (L’Equipe – in French)
Brentford ayaan iibin doonin goolhayaha Spain David Raya, oo 27 jir ah xagaagan, hadii aysan helin dalab la aqbali karo, maadaama ay diyaar u yihiin inay bilaash ugu ogolaadaan 2024. (90min )
Nottingham Forest ayaa laga yaabaa inay sameyso saxiix kale dhamaadka xilli ciyaareedkan, iyadoo tababare Steve Cooper lagu wado in lagu wareejiyo miisaaniyad ka badan 100 milyan ginni haddii ay ka fogaadaan inay ka haraan Premier League. (Football Insider )
Arsenal , Liverpool , Manchester United iyo Newcastle United ayaa ka mid ah kooxaha indha indheeyay ciyaaryahanka khadka dhexe ee Lille iyo Cameroon Carlos Baleba, 19. (90min)
Chelsea , Manchester United iyo Arsenal ayaa dhamaantood xiiseynaya inay u dhaqaaqaan 19 jirka qadka dhexe ee kooxda Southampton Romeo Lavia. (Football Insider)
Qoyska Glazer ayaa bartilmaameedsanaya iibinta Manchester United ka hor inta uusan furmin suuqa kala iibsiga ciyaartoyda bisha June haddii ay go’aansadaan inay lacag caddaan ah ku helaan kooxda. (Telegraph – subscription required)
Herve Renard, oo hadda ah tababaraha xulka qaranka Saudi Arabia, ayaa laga yaabaa in loo magacaabo maareeyaha kooxda haweenka France. (L’Equipe – in French)
