Paris St-Germain ayaa hogaamineysa tartanka loogu jiro saxiixa weeraryahanka Masar Mohamed Salah, waxaana ay dooneysaa inay tijaabiso 32 jirkaan, kaasoo qandaraaskiisa Liverpool dhacayo dhamaadka xilli ciyaareedkan, isagoo qalinka ku duugay heshiis seddex sanno ah. (Sun)

Liverpool ayaa u aqoonsatay weeraryahanka Borussia Dortmund Karim Adeyemi inuu yahay bedelka Salah, waxayna diyaar u yihiin inay 41 milyan ginni ku dalbadaan 22 jirka reer Jarmal. (Bild – in Germeny)

Real Madrid ayaa durba xiriir la sameysay daafaca England Trent Alexander-Arnold, oo 25 jir ah, iyagoo isku dayaya inay ka soo kaxeeyaan Liverpool dhamaadka xilli ciyaareedkan. (Relevo – in Spanish)

Thomas Tuchel iyo Massimiliano Allegri ayaa ku jira liiska ugu sarreeya Manchester United iyagoo ka fiirsanaya inay ceyriyaan tababare Erik ten Hag. (Teamtalk)

Manchester United ayaa isku diyaarineysa inay dalab 34 milyan ginni ah ka gudbiso 25 jirka garabka uga ciyaara Benfica Kerem Akturkoglu. (Fichajes – in spanish)

Liverpool ayaa loo akhriyay inay iska iibiyaan xiddiga reer Japan Wataru Endo, oo 31 jir ah, bisha Janaayo, iyagoo doonaya inay keenaan ciyaaryahan da’yar oo khadka dhexe ah. (Insider)

Newcastle United ayay u badan tahay in ay dib u eegaan baacsiga ay ku doonayaan daafaca dhexe ee England Marc Guehi bisha Janaayo, iyadoo la filayo in Crystal Palace ay aad u rabto inay iska iibiso 24 jirkaan. (Mail – subscription required)

Chelsea ayaa weli xiiseyneysa weeraryahanka Colombia Jhon Duran, laakiin Aston Villa ayaa ku dooneysa 20 jirkaan wax ka badan 80 milyan ginni. (Teamtalk)

Barcelona iyo Juventus ayaa isha ku haya xaalada xiddiga garabka uga ciyaara Argentina Alejandro Garnacho, oo 20 jir ah, iyadoo Manchester United la rumeysan yahay inay ku qiimeyso ciyaaryahanka 50 milyan ginni. (Sun)

Tababaraha Fenerbahce Jose Mourinho ayaa u tartamaya inuu badalo Sean Dyche oo ah tababaraha Everton marka la soo gabagabeeyo la wareegida Dan Friedkin ee kooxda. (Insider)

Atletico Madrid ayaa bartilmaameedkii ugu dambeeyay ee suuqa kala iibsiga u aqoonsatay daafaca Chelsea iyo xulka England Ben Chilwell oo 27 jir ah. (Teamtalk)

Newcastle United ayaa ka mid ah kooxaha ugu cadcad saxiixa 24 jirka reer Canada Jonathan David oo u ciyaara kooxda Lille . (GiveMeSport)

Weeraryahanka Norway Erling Haaland, oo 24 jir ah, ayaa qarka u saaran inuu qandaraas cusub u saxiixo Manchester City laakiin wuxuu doonayaa 100 milyan ginni oo lagu burburin karo qandaraaskiisa. (Teamtalk)

Barcelona ayaa mudnaanta siinaysa saxiixa Haaland suuqa xagaaga 2025. (Sport – in spanish)

Sir Jim Ratcliffe ayaa soo xaadiri doona kulanka Manchester United ee Premier League ee ka dhici doona Aston Villa Axada iyadoo ay sii kordhayaan wararka la isla dhexmarayo ee ku saabsan mustaqbalka tababare Erik Ten Hag. (Mirror)