Sporting ayaa heshiis ku gaadhay in tababare Ruben Amorim uu ka tago kooxda oo uu ku biiro Manchester United inta lagu jiro fasaxa caalamiga ah ee bisha November. (Telegraph – subscription required)

United ayaa bixin doonta magdhow si ay ugu suurtagasho tiro ka mid ah shaqaalaha qolka Amorim inay ku soo biiraan Old Trafford. (ESPN)

Weeraryahanka Sweden Viktor Gyokeres, 26, iyo ciyaaryahanka khadka dhexe ee Danish Morten Hjulmand, 25, ayaan ku faraxsanayn go’aanka Amorim uu kaga tagayo Sporting ka dib markii ay diideen dalabyo ay kaga tageen kooxda xagaagii. (Ojogo – in Portuguese)

Laakiin Gyokeres ayay u badan tahay in uu Amorim ku biiri doono Manchester United haddii heshiis la isku afgarto. (Football365)

Weeraryahanka Bayern Munich iyo Jarmalka Jamal Musiala, oo 21 jir ah, ayaa sheegay inuu ku faraxsan yahay kooxda ka dhisan Bundesliga iyadoo lala xiriirinayo Manchester City . (Goal)

Manchester United ayaa laga yaabaa inay Liverpool kula tartanto 23 jirka garabka uga ciyaara kooxda Wolves ee Rayan Ait-Nuri. (GiveMeSport)

Brentford ayaa ku dalban doonta 60 milyan ginni weeraryahanka Cameroon Bryan Mbeumo, oo 25 jir ah, suuqa Janaayo iyadoo ay xiiseyneyso Arsenal . (Insider)

Steven Gerrard ayaa wajahaya in laga ceyriyo shaqadiisa maamule Al-Ettifaq ka dib markii kooxda Sacuudiga ay qaab ciyaareed liita soo bandhigtay iyadoo isbuucaan si lama filaan ah uga hartay koob. (Sun)

Koox maalgashi isboorti oo caalami ah ayaa la fahamsan yahay inay soo bandhigtay 45% saamiga Crystal Palace . (Mail)

Aston Villa ayaa wadahadalo kula jirta weeraryahanka Ingariiska Morgan Rogers, oo 22 jir ah, si ay heshiis cusub uga saxiixdaan. (Athletic – subscription required)

Real Madrid ayaa ka fiirsaneysa inay lasoo wareegto 24-jirka khadka dhexe ee France Aurelien Tchouameni. (Relevo – in spanish)

Real Madrid ayaa diyaar u ah inay bixiso 84 milyan ginni Enzo Fernandez ama ay u soo bandhigto Chelsea Tchouameni qayb ka mid ah heshiiska 23 jirka khadka dhexe ee Argentina. (Fichajes, Via TeamTalk)

Barcelona ayaa isha ku haysa xaalada Rafael Leao ee AC Milan iyaga oo doonaya in ay xagaaga u dhaqaaqaan 25 jirka garabka uga ciyaara Portugal. (Sport – in Spanish)

Liverpool ayaa u aqoonsatay daafaca Bournemouth iyo Hungary Milos Kerkez, oo 20 jir ah, inuu yahay musharax iyagoo raadinaya daafac bidix oo cusub. (TeamTalk)

Athletic Bilbao ayaa rajeyneysa inay heshiis cusub la gaarto 22 jirka garabka uga ciyaara Spain Nico Williams iyadoo ay xiiseyneyso Barcelona . (Sport – in spanish)

Getafe ayaa isha ku heysa inay u dhaqaaqdo daafaca reer Spain ee Tottenham Sergio Reguilon, 27, kaasoo qandaraaskiisu dhici doono June 2025. (Fichajes – in Spanish).