Manchester United ayaa durba wadahadalo la yeelatay dhowr musharax oo maamulayaal ah iyadoo cadaadis dheeri ah uu ku hayo macalinka reer Holland Erik ten Hag, iyadoo Xavi Hernandez iyo Sporting Lisbon’s Ruben Amorim ay ka mid yihiin. (Daily Mail)

Ciyaaryahanka khadka dhexe ee Manchester City Kevin de Bruyne, oo 33 jir ah, ayaa laga yaabaa inuu u dhaqaaqo Major League Soccer isagoo ka tirsan San Diego FC madaama qandaraaska Belgian uu dhacayo June. (GiveMeSport)

Eintracht Frankfurt ayaa qiimo u dhexeysa 50-60m euros (£41.6m-50m) u dejisay 25 jirka weerarka uga ciyaara Masar Omar Marmoush, kaasoo wakiiladiisa ay wadahadalo la yeesheen Liverpool . (Sky Germany)

Arsenal ayaa soo saartay liiska weeraryahanada heerka caalami ee bartilmaameedka u ah, waxaana liiska ugu sareysa ku jira weeraryahanka Newcastle iyo Sweden Alexander Isak, oo 25 jir ah. (TeamTalk)

West Ham ayaa suurtogal ah inuu u dhaqaaqo daafaca Chelsea Ben Chilwell, oo 27 jir ah, iyadoo ciyaaryahanka Ingariiska ah uu weli ku dhibtoonayo inuu ka hoos ciyaaro Enzo Maresca. (Metro)

Inter Milan ayaa xiiso u qabta 24 jirka weerarka uga ciyaara kooxda Athletic Bilbao ee Oihan Sancet kaas oo sidoo kale lala xiriirinayo Aston Villa . (Fichajes – in Spanish)

Tottenham ayaa go’aansatay inay ka hortagto 25 jirka daafaca midig ee reer Spain Pedro Porro inuu ku biiro Manchester City, taasoo u aragta bedelka daafaca England Kyle Walker, oo 34 jir ah (Insider Football)

Liverpool iyo Arsenal ayaa ku tartamaya saxiixa 17 jirka Spain iyo Barcelona Lamine Yamal, iyadoo kooxda La Liga ay ku qasbanaan karto inay iska iibiso da’yarkeeda xilli ay jirto dhibaato dhaqaale. (Miguel Delaney via TeamTalk)

Garabka Brazil Raphinha, oo 27 jir ah, ayaa sheegay inuu ku fikiray inuu ka tago Barcelona wax ka badan hal jeer labadii xilli ciyaareed ee ugu horeysay kooxda ka dib markii uu ka soo dhaqaaqay Leeds . (ESPN)

Liverpool ayaa qorsheynaysa inay u dhaqaaqdo daafaca reer Spain ee Celta Vigo Oscar Mingueza, oo 25 jir ah, si ay ugu bedelaan Trent Alexander-Arnold, oo 26 jir ah. (Fichajes – Spanish)

Manchester United ayaa isha ku heysa ciyaaryahanka khadka dhexe ee Sunderland Chris Rigg, oo 17 jir ah. (GiveMeSport)

Xiisaha loo qabo daafaca reer Canada ee kooxda Bayern Munich Alphonso Davies ayaa sidoo kale noqon doona mid la taaban karo oo ka imaanaya Manchester United ka dib markii ay aruuriyeen macluumaadka 23 jirka dhowr maalmood. (Sky Germany)

Real Madrid iyo Chelsea ayaa sidoo kale xiiseynaya daafaca garabka ka ciyaara ee Davies, kaasoo qandaraaskiisu dhacayo xagaaga soo aadan. (Express)

Manchester City ayaa isha ku heysa daafaca RB Leipzig Castello Lukeba, oo 21 jir ah, inkastoo xiddiga reer France uu dhawaan heshiis cusub u saxiixay kooxda ka dhisan Bundesliga. (Fichajes – in Spanish)

AC Milan ayaa wadahadalo la furtay wakiilada 26 jirka khadka dhexe ee Netherland Tijjani Reijnders si ay u kordhiyaan heshiiskiisa. (Fabrizio Romano)

Ciyaaryahanka khadka dhexe ee Portugal Samu Costa, oo 23 jir ah, ayaa wakiilkiisu u soo bandhigay Atletico Madrid , inkastoo uu Mallorca kula jiro qandaraas dhacaya 2028. (Okdiario, via Estadio Deportivo – in Spanish).