Kooxda Real Madrid ayaa ku wargalisay Liverpool rabitaankooda ku aadan saxiixa daafaca garabka bidix ee xulka qaranka England ee Trent Alexander-Arnold oo 26 jir ah (TalkSport)
Tababaraha cusub ee Manchester United Ruben Amorim ayaa diirada saaraya sidii uu ula shaqeyn lahaa ciyaartoydiisa haatan, mana uusan wax codsi ah u gudbin madaxda kooxda wax saxiixyo ah bisha Janaayo. (Sky Sports)
21 jirka weerarka uga ciyaara kooxda Ipswich Town ee Liam Delap ayaa xiiso ka helaya kooxo badan oo Premier League ah. (Athletic – subscription required)
Tottenham ayaa xiiseyneysa saxiixa daafaca midig ee kooxda RB Leipzig ee reer Holland Lutsharel Geertruida, 24, si ay ugu bedelaan 25 jirka reer Spain Pedro Porro, kaasoo diirada u saaran Real Madrid . (Caught Offside)
Aston Villa ayaa ku sii dhawaanaysa inay la soo wareegto xiddiga khadka dhexe ee Werner Bremen iyo Austria Romano Schmid, oo 24 jir ah (Insider)
Wolves ayaa u soo bandhigi doonta weeraryahanka qaab ciyaareedka fiican ku jira ee Brazil Matheus Cunha, oo 25 jir ah, qandaraas cusub oo qaali ah.(Telegraph – subscription required)
Manchester United iyo Tottenham ayaa wali ku sii jira in lala xiriirinayo Cunha laakiin maamulaha Wolves Gary O’Neil ayaa meesha ka saaray inuu ka tagi doono Janaayo. (Men)
Chelsea ayaa hogaamineysa tartanka loogu jiro saxiixa daafaca dambeedka midig ee Denmark Patrick Dorgu, oo 20 jir ah, kana tirsan Lecce , kaasoo dalban kara ku dhawaad 50 milyan ginni. (Caught Offside)
Tottenham, Crystal Palace iyo Nottingham Forest ayaa sidoo kale xiiseynaya Dorgu. (TBR)
Everton ayaa dooneysa inay sii haysato weeraryahanka reer England Dominic Calvert-Lewin, oo 27 jir ah, Janaayo, inkastoo ay jiraan warar la isla dhexmarayo oo ku saabsan mustaqbalkiisa. (Insider)
