Daaficii hore ee xulka France, William Gallas, ayaa kula taliyay Arsenal inay la soo wareegto Victor Osimhen sanadka soo socda haddii ay doonayaan in ay ku guuleystaan Premier League.
Osimhen waxa uu haatan amaah hal xilli ciyaareed ah kula joogaa Galatasaray oo uu kaga soo biiray Napoli xagaagii.
Ilaa hadda xirfadiisa ciyaareed, weeraryahanka Super Eagles waxa uu dhaliyay 122 gool 232 kulan oo uu saftay tartamada oo dhan.
Xili ciyaareedkaan sideed gool ayuu dhaliyay sagaal kulan oo uu u saftay Galatasaray oo uu si weyn uu ula qabsaday.
“Hadii aan hal ciyaaryahan u doori lahaa Arsenal bisha Janaayo, wuxuu noqon lahaa weeraryahan heer caalami ah, ayuu yiri daafacii hore ee Gunners.
Waxaan doonayaa inaan ka hadlo Osimhen sababtoo ah waxaan ogahay inuu joogo Galatasaray, welina ma fahmin sababta uu halkaas u joogo.” Waxaan filayaa inuu Arsenal ku biir karo haddii ay dalbadaan January” ayuu yiri William Gallas.
