Xavi oo ka hadlay mustaqbalka Pierre-Emerick Aubameyang, iyo Frenkie de Jong ee suuqa kala iibsiga

Tababaraha Barcelona Xavi ayaa diiday inuu meesha ka saaro inay xagaaga ka tagayaan Pierre-Emerick Aubameyang iyo Frenkie de Jong mar wax laga waydiiyay labadan xiddig mar uu shir jaraa’id qabtay Jimcihii.

De Jong ayaa udub dhexaad u ahaa mid ka mid ah sheekooyinka suuqa kala iibsiga ee xagaaga, iyadoo Manchester United la sheegay inay ka shaqaynaysay 10-kii toddobaad ee ugu dambeeyay sidii ay u keeni lahayd Old Trafford.

Red Devils ayaan ilaa hadda ku guulaysan baacsigii ay ugu jirtay xiddiga heerka caalami ee dalka Netherland, waxaana la aaminsan yahay in Chelsea ay haatan tartan ugu jirto saxiixiisa.

Blues ayaa sidoo kale si aad ah loola xiriirinayay Aubameyang, iyadoo kooxdu ay isku dayeyso inay soo qaadato weeraryahan cusub ka hor dhamaadka suuqa, taasoo u ogolaatay Romelu Lukaku inuu amaah ugu laabto Inter Milan xilli ciyaareedka 2022-23.

Xavi, oo hadlayay ka hor kulanka Sabtida ee furitaanka La Liga ee Rayo Vallecano, ayaa sheegay inuu “ku xisaabtamayo” Aubameyang ka hor inta uusan sheegan in De Jong uu “muhiim u yahay” isaga.

Si kastaba ha ahaatee, halyeeyga khadka dhexe ayaa diiday inuu dammaanad qaado in labada ciyaaryahan ay kooxda joogi doonaan wixii ka dambeeya dhamaadka suuqa kala iibsiga xagaaga.

Wararka Ciyaaraha

Be the first to comment

Leave a Reply

Your email address will not be published.


*