Xiddig Hore oo Liverpool Ah Oo Digniin U Diray Trent Alexander-Arnold.Waxa uu kaga digay arrimaha ku Aaddan Xiisaha Real Madrid.
Mid ka mid ah ciyaartoydii ugu goolasha badnaa taariikhda Liverpool ayaa uga digay Trent Alexander-Arnold waxa uu kala kulmi karo haddii uu u dhaqaaqo kooxda weyn ee Real Madrid. Liverpool ayaa la ciyaari doonta Real Madrid habeenka Arbacada tartanka Champions League.
Michael Owen Oo Digniin Siiyay Trent Alexander-Arnold ayaa yiri:
“Mar Haddii Aad Dhaqaaqdo, Waxaad Lumisay Xiriirka Buuxa Ee Kooxdaada”
Wareysi uu siiyay Simon Morgan oo ka tirsan The Athletic, xiddigii hore ee Liverpool Michael Owen ayaa sheegay in Trent Alexander-Arnold uu noqon doono “hanti ganacsi” haddii uu ku biiro Real Madrid. Owen, oo isagu hore uga tagay Merseyside una dhaqaaqay Madrid, ayaa qirtay in uusan waligiis rabin inuu ka tago Liverpool, laakiin quruxda iyo magaca weyn ee kooxda 15 jeer ku guuleysatay Champions League ay ahayd mid aan loo adkeysan karin.
Owen oo ka hadlayay waayo-aragnimadiisa ayaa yiri, “Waxaad lumin doontaa xiriirkii adkaa ee aad lahayd marka aad u dhaqaaqdo koox aan ahayn mid aad taageerto. Waxaad noqonaysaa ciyaartoy kaliya doonaya inuu wax u qabto koox gaar ah.”
Real Madrid ayaa muddo xiiseynaysay Alexander-Arnold, laakiin dhaawac halis ah oo soo gaaray daafacooda midig ee Dani Carvajal, kaas oo ka maqnaan doona xilli-ciyaareedka intiisa kale, ayaa sii kordhiyay hadal heynta ah in Los Blancos ay dalab u gudbin karto Liverpool bisha Janaayo.
